დღეს საქართველოს კონტროლის პალატის ფინანსური მონიტორინგის სამსახურმა სამუშაო შეხვედრები გამართა პოლიტიკური სუბიექტების ფინანსურად ანგარიშვალდებულ პირებთან.

შეხვედრები მიზნად ისახავდა იმ ხარვეზებისა და უზუსტობების გასწორებას, რაც დაფიქსირდა პოლიტიკური პარტიებისგან გამოთხოვილ მიმდინარე წლის 1 იანვრიდან 1 მარტამდე პერიოდის ფინანსურ დეკლარაციაში.

სამუშაო შეხვედრებს ესწრებოდნენ 25-მდე პოლიტიკური გაერთიანების წარმომადგებლები, რომლებსაც წარედგინათ კონტროლის პალატის რეკომენდაციები იდენტიფიცირებული ხარვეზებისა და დარღვევების შესახებ.

პარტიები ფინანსური დეკლარაციების დაზუსტებულ ფორმებს კონტროლის პალატას მიმდინარე კვირის ბოლომდე წარუდგენენ.